een Dréentsgedicht

De Meertmaond is de streektaolmaond. Daorumme iedere weke in de maond meert een Dréentsgedicht op Runewold.info Namens de taolschulte en keurnoten uut de Wolden.
Krentebossie

Krentebossie wat blui ie mooi.
Wat pronk ie mit oen lentetooi.
‘t Is net een bruudskleed aj ‘t zo ziet.
Zo zuver wit en ik geniet.
Bij ‘t opstaon elk keer
zie ik det platien weer.
De mezen glipt er elke keer
weer tussen deur zo op en neer
Ze wilt wat vangen as ze kunt,
zo’n lieveheersbeesien die wat zunt.
Ze bint o zo drok mit bladties, strogies of wat mos.
Want ‘t nussien mut toch klaor
veur ‘t neie mezenkoor.

een gedicht van Annie Smit-Bruins uut Rune.