Nieuw gedicht
De meertmaond is de streektaolmaond. Daorumme iedere weke in de maond meert een Dréentsgedicht op Runerwold.info Namens de taolschulte en keurnoten uut De Wolden.
Begunt `t veurjaor in mij.
Wanneer nao een winter zonder geuren
de sneiklokkies wit gaot kleuren
begunt `t veurjaor in mij
Wanneer nao veule donkre dagen
de zunne heur stralen uut giet dragen
begunt t veurjaor in mij
Wanneer nao wekenlange regenberichten
de ooievaars heu nesten in gaot richten
begunt `t veurjaor in mij
Wanneer nao maondenlang verdringen
de veugels al vrog weer zingen
begunt `t veurjaor in mij
Wanneer nao stevig snuien
de appelbomen schier gaot bluien
is `t veurjaor in mei
Dit is een gedicht van Gerdina Bultje