Verzetspoëzie ien verbaand mit 70-jaorige bevrijding

Verzetspoëzie ien verbaand mit 70-jaorige bevrijding. Runerwold werd op 13 april 1945 bevrijd. Daorumme iedere weke inde maond april Drèentse verzetspoëzie op Ruinerwold.info. Namens de taolschulte en keurnoten van het Huus van de Taol uut De Wolden.

Gerard Nijenhuis-Westerbörk

Ik was vandaog in Westerbörk. Het kamp is vot,
maor wel kuy zeen waor de barakken stunden.
De bomen wiest de plek waor alles was, verbunden
deur de middenstraot die deurleup tot het lot

bepaolde wel met de trein mus wieder gaon.
Ik zag ze staon: het jonkie oet mien klas,zien naom
in schoolschrift schreven – Bennie Valk- hij weur verdaon.
Doe ik er was leupen anere kinner de zólfde baon

die hij met zien karbies aoflegde. Ik zag
de rails verbeugen tot opstandigheid. De trein
is jaoren vot. Een golden ende kreeg de dag

dat ik daor was in Börk. De zun streek locht
over het pad. En oet de sterren kwam het sein
dat hij veurbij kwam op zien leste tocht.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze site gebruikt Akismet om spam te verminderen. Bekijk hoe je reactie-gegevens worden verwerkt.